- የአምልኮተ እግዚአብሔር መሰረትም አድራሻም ራሱ እግዚአብሔር ሲሆን፥ ቤተክርስቲያንም አምልኮን በተመለከተ አግላይ ናት።
- ስለ አምልኮ ለምን ማወቅ ያስፈልጋል?
- የሀይማኖት ልብ ስለሆነ:- የእግዚአብሔር መጥራት ማዕከላዊ ሃሳብ እኛን የእርሱ ካህናት ለማድረግ ስለሆነ ( ዘፀ 19:5፣ 1 ጴጥ 2:9)
- ዘመናችንን ከመመርመር አንፃር:- የዘመን ሙጣጭ ላይ እንዳሉ ሰዎች ወደ ገደል እንዳናመራ እንድንጠነቀቅ ያደርገናል (ሉቃ 12:54-56፣ 2 ጢሞ 3:1-5)።
- እግዚአብሔር ለክብሩ ቀናተኛ ነው። ለራሱም ቅሬታዎችን በዘመናት መካከል ያስቀራል (ኢሳ 42:8፣ 1 ነገ 19:18)።
- ሰይጣን አሁንም ቤተክርስቲያንን ወድቀሽ ስገጂ፥ የዓለምን ክብር ሁሉ እሰጥሻለሁ እያለ ያባብላታል (ማቴ 4:8-10)።
- ስግደት (Greek- proskuneo (προσκυνέω))የአምልኮን መሰረታዊ ምንነት ያሳየናል። ይኸውም ክብርን መጣልን፥ መሸነፍን፥ እጅግ ትልቅ በሆነ ማንነት ፊት መውደቅን፥ ዝቅ የማለት የአድናቆት ምላሽን ያመለክታል (ዮሐ 4:19 21-24)።
- ስግደት የሚጀምረው ከልብ ነው (1 ነገ 11:9)።
- አምልኮን እውነት የሚያደርገው የምንሰግድለትን ማወቅ ነው። ቤተክርስቲያን ስለምታመልከው ስለ እርሱ ግልጽ እና ጤናማ አስተምህሮ ከሌላት አምልኮ ፍሬያማ አይሆንም።
- አምልኮን በተመለከተ መፅሀፍ ቅዱስ አራት መሰረታዊ ነገሮችን ያስተምረናል። እነዚህም-
- እግዚአብሔር ቅዱስ ነው። ይህም ማለት እርሱ አምሳያ ወይም እኩያ የሌለው፥ ከማንም ጋር ለውድድር ወይም ለንጽጽር የማይቀርብ፥ ከፍጥረቱ ሁሉ የተለየ ነው (ኢሳ 6:1-4፣ ኢሳ 40:25)።
- የምናመልከው እግዚአብሔር ስሉስ አሀዱ አምላክ ነው። ነገርን ሁሉ ከመፍጠሩ በፊት በራሱ ውስጥ ግንኙነት ያለው፥ አንዱ አካል ሌላውን የሚያከብር፥ የሚወድ አምላክ ነው። እኛንም የጠራን ከዚህ ግንኙነት እንድንካፈል ነው (ኤፌ 2:18፣ 1ዮሐ 1:3፣ 1ዮሐ 14:23)።
- እግዚአብሔር እጅግ ከፍ ያለ ቢሆንም በጣም ቅርብ አምላክ ነው። ለምንሰጠው አምልኮ ምላሽ የሚሰጥ አምላክ ነው። በዚህ ልንደሰትም ደግሞም ልንጠነቀቅ ያስፈልጋል (ኢሳ 66:3፣ ዕብ 12:28)።
- የምናመልከው እርሱ በራሱ ሙሉ የሆነ አምላክ ነው። ከራሱና በራሱ ህይወት የሚኖር፥ ደጋፊ የማያስፈልገው፥ ከትርፉ ለኛ የሚያፈስ ነው (ሐዋ 17:24-28)።
- እግዚአብሔርን ልናመልክ ስንመጣ የልባችንን ጭንብል ልናወልቀው ይገባል። እኛ የተጠራነው በቅንነት ልባችንን እንድናፈስለት ነው (ዕብ 10:21)።
- አምልኮ፥ የእግዚአብሔር አዳኝነት (ትድግና) የመጨረሻ መገለጫ ከሆነው ከታረደው በግ ጋር፥ ታስሮ ሊቀርብ ይገባል (ራዕ 5:6፣9)። የንጋት ኮከብ የሆነው ኢየሱስ በአምልኳችን ሁሉ ሊደምቅ ያስፈልጋል። እርሱ የአምልኳችን ተቀባይ ብቻ ሳይሆን የአምልኳችን መሪ ነው።
- የአምልኳችን ይዘት የእግዚአብሔርን ፈጣሪነት እና የማንነቱን ልዩነት ሊያካትት ይገባል (ዮሐ 4:10)።
- እግዚአብሔርን እንዴት እናምልከው?
- በእምነት- እግዚአብሔር እንዳለ እና መሰዋዕትን የሚቀበል መሆኑን በማመን (ዕብ 11:4)
- ራሳችንን እየቀደሰን- ከሀጥያት በመራቅ፥ በመንጻት (ዕብ 12:14)
- በትህትና
- በፍቅር (መዝ 84:1-2፣10)
